Bestanddele
150 g Vars / Gevriesde tuin-ertjies
70 g Digestive koekies
1 eetlepel Hawermout
1 eetlepel Okkerneute fyngekap
60 g Botter gesmelt
1 Eierwit geklits
250 g Roomkaas teen kamertemperatuur
2 Eiers
30 g Parmesaankaas fyngerasper
1 knippie Sout
1 teelepel Swartpeper grofgemaal
1 eetlepel Vars pietersielie fyngekap
1 eetlepel Vars kruisement fyngekap
1 eetlepel Vars tiemieblare fyngekap
Vars roketblare
Olyfolie
Metode
- Kook ertjies tot net sag, dreineer, laat afkoel en purée, hou eenkant
- Maak koekies fyn, meng met hawermout, neute en botter
- Meng eierwit by
- Voer bodems van 10 muffinpannetjies met sirkels bakpapier
- Verdeel krummelmengsel tussen pannetjies en druk goed vas
- Plaas in yskas
- Meng roomkaas en ertjiepurée tot glad
- Klits eiers en meng by
- Meng Parmesaan by en geur met sout en peper, meng kruie by
- Skep beslag bo-op krummelkors in pannetjies
- Bak in oond teen 170˚C (waaier) vir 25 minute
- Verwyder uit oond en laat afkoel in pannetjies
- Plaas bakplaat bo-op en keer versigtig om
- Keer kaaskoekies een-een om
- Garneer met roketblare en sprinkel baie liggies met olyfolie net voor opdiening