Bestanddele
375 g Bruismeel
1/2 teelepel Sout
3 eetlepels Druiwepitolie
100 ml Karringmelk
100 ml Water
2 huisies Knoffel fyngekap
1 teelepel Roosmaryn fyngekap
180 g Gruyère gerasper
2 Rooi appels
1/2 Rooi ui
ekstra Druiwepitolie
Olyfolie / Knoffelolie / Peanneutolie
1 ekstra takkie Roosmaryn
Growwe sout
Gemengde peperkorrels
Metode
- Gooi bruismeel in mengbak
- Maak holte in die middel
- Vul holte met 1/2 tlpl sout, 3 eetlpl druiwepitolie, karringmelk, water, knoffel en fyngekapte roosmaryn
- Gebruik vurk en meng van buite na binne
- Gebruik hande om deeglik te meng en deegbal te vorm
- Bedek en laat staan vir 30 minute
- Strooi ’n oppervlak met ’n klein bietjie meel
- Verdeel deeg in helfte en rol elke helfte uit in ovaal van ongeveer 30cm x 20 cm
- Plaas op twee gevoerde bakplate
- Sprinkel helfte van kaas oor die twee brode
- Sny die appels in die dwarsste in skywe, nie te dik, nie te dun, 7 tot 8 skywe
- Meng met 1 eetlpl druiwepitolie en rangskik bo-op brode, geur baie liggies met sout
- Sny ui in dun skyfies en meng met 1 eetlpl druiwepitolie, dit sal opbreek in repies, rangskik repies bo-oor en rondom appelskywe
- Strooi res van kaas oor
- Bedrup met ’n klein bietjie druiwepitolie
- Bak in oond teen 170˚C (waaier) tot goudbruin, ongeveer 20 tot 22 minute
- Bedrup met olie van keuse, geur met gemaalde of gebreekte peperkorrels en garneer met ’n paar vars roosmarynblaartjies en ’n paar soutkorrels