Dié liedjie is geskryf deur die talentvolle Hunter Kennedy, Fred Den Hartog en Laudo Liebenberg spesiaal vir “Die tragiese saak van Pamina Vermaak” en is opgevoer deur Christiaan Schoombie wat die rocker Wolf de Jager vertolk.

Wolf en Spook praat oor hulle verlede – as kinders op die dorp.

Het Wolf sopas die ondersoek belemmer?

In dié romantiese komedie gegrond op Annie Klopper se gelyknamige roman, is Pamina Vermaak ’n werklose joernalis ná ’n skouspelagtige uitbarsting teenoor haar redakteur. Die rocker Wolf de Jager word deur sy bestuurder na ’n stil dorpie in die Weskus gestuur nadat hy sy humeur lelik by ’n gig verloor het. Sy eks-verloofde, Daniella, het hom verneuk met ’n bekende Amerikaner en sy kreatiwiteit het opgedroog. Hy het ryk geword met ’n one-hit wonder, maar sy beeld as cool kid is in sy maai. Pamina word in dieselfde dorpie, haar geboortedorp, gedwing om vrede met haarself en die verlede te maak, terwyl Wolf besef sy ontwykende muse is dalk dié hardkoppige, aanvallige donkerkop.