Winslyn

Dorothee Wenner is ’n vryskutfilmmaker, skrywer en filmfeeskurator wat in Berlyn woon. Sy is sedert 1990 ’n keurder vir die Berlynse Internasionale Filmfees en sedert 2000 is sy dié fees se afgevaardigde vir films uit Sub-Sahara-Afrika en Suid-Asië. Van 2009 tot 2017 was sy lid van die Dubai Internasionale Filmfees se span programkeurders. Wenner was vanaf die begin van die in Lagos gesetelde African Movie Academy-toekennings (AMAA) in 2005 ’n lid van die beoordelaarspaneel en in 2018 was sy die voorsitter van dié beoordelaarspaneel. Haar jongste werk as filmmaker is die webreeks Kinshasa Collection.