Alex bied 'n aanloklike aanbod vir Lee-Ann aan; gaan sy dit vat? Die Samsodiens kry groot nuus: wie is gelukkig daaroor en wie wil niks weet daarvan nie? Vind uit in hierdie week se voorskou.

Tertius maak 'n besluit en Tracy hou nie daarvan nie. Sy besluit om vir Conrad die nuus oor haar baba te bring. Hoe gaan hy reageer daarop? Sal Ella uit Marissa se kloue gered word?

Hoe gaan dinge nou verloop tussen Jacques en Johan? Valencia sit vas met iemand, en Mari dra stories aan. Sanet sit in sak en as, en nog drama volg.

Vier karakters wat ons deur die jare leer ken het. ’n Karakter wat terug is in ’n poging om vrede met haar verlede te maak. Twee nuwe spanlede wat hulle by die eenheid aansluit. Reeksmoordenaars wat Byl en sy span tot die uiterste toets en een wat hulle telkens ontglip en al meer met makabere dade tart. Dit is wat op kykers wag in die vyfde seisoen van die immergewilde reeks Die Byl, wat vanaf Dinsdag 16 Januarie 2024 om 20:00 weer op kykNET (DStv-kanaal 144) te sien sal wees.