Adjudant-Offisier Ronel Oosthuizen
Plat op die aarde. ’n Dinamiese no-nonsense-persoon wat ’n graaf 'n graaf noem. Alles gaan vir Ronel oor die werk: die woord “georganiseerd” kon vir haar geskep word. Sy lyk vreesloos – sommige sê angswekkend, en sy was al waar ander polisiebeamptes te bang is om te gaan. Sy kry die werk gedoen en gaan gewoonlik die ekstra myl om dinge gedoen te kry. Alhoewel daar geen amptelike leier in die taakspan is nie, het Ronel ’n bestuursrol en posisioneer sy haarself as die leier. En daar is iets aan die manier waarop sy leiding neem, wat Deon en Lux hierdie nie-amptelike hiërargie laat aanvaar. Dis ’n klein span met net haar, Lux en Deon, so hulle almal moet meer as een ding kan doen. Ronel gaan uit op sake, maar sy is hoofsaaklik die administrateur. Sy versprei die vermiste persone-plakkate (via die internet en per harde kopie) en is in kontak met die polisie, die betrokke families en, waar toepaslik, die regering. Sy bestuur ’n hegte en doeltreffende skip. In werklikheid is Ronel die hart van die taakspan en die ander maak op haar staat om dinge bymekaar te hou.
Ronel het ’n sterk, aangebore gevoel vir regverdigheid en geregtigheid. Sy kan nie die idee duld dat mense met misdaad wegkom nie.
Alhoewel sy tough as nails lyk, maak jy ’n fout om te dink dat Ronel koud van hart is. Agter die klipperige mure wat sy aan die wêreld voorhou, lê ’n sagte hart met ’n geheim…