Dag 46: Kom sit aan! – Kwarantyn

Anton is reg om ontslae te raak van enige iemand wat moontlik ’n probleem kan veroorsaak.

Een dag van die maand kan nogal ’n angstige affêre vir een helfte van die samelewing wees. Dié dag tref Simone hierdie maand op die mees ongeleë tyd en plek denkbaar – op pad na ‘n allerbelangrike voorlegging aan ’n nuwe kliënt. Gelukkig het sy darem nog een laaste tampon, maar ongelukkig beland dit in die toilet. Boonop is daar nie toiletpapier nie. Haar opsies raak op. As sy die groep mans wat ongeduldig in die raadsaal op haar wag wil wys dat dit wel in haar broek sit om die broek te dra, moet sy die ondenkbare oorweeg. Dié ongemaklike uitweg vereis egter dapperheid en kan dalk nóg probleme veroorsaak.

Dit lyk asof Avril krap waar dit nie jeuk nie wanneer sy beweer dat die ander spelers lewe asof hulle in feetjieland is.

Hoe gaan dinge nou verloop tussen Jacques en Johan? Valencia sit vas met iemand, en Mari dra stories aan. Sanet sit in sak en as, en nog drama volg.