Hoe ervaar jy ’n Afrika-sonsondergang of die rykdom aan diere, plante, voëls en landskappe in die Kruger Wildtuin as jy nie kan sien nie? Call of the Wild verken hierdie vraag saam met Anika, ’n jong weeskind wat gesiggestremd gebore is, maar ’n verbysterende gawe het om ’n wye verskeidenheid voëlgeluide uit te ken. Hierdie kort dokumentêr volg Anika op ’n buitengewone bos-ontdekkingsreis, ontwerp deur die klankspesialiste Derrick en Sarah Solomon. Dis ’n klanksafari wat jou met nuwe ore na die klanke van die Wildtuin laat luister en jou verstom met wat jy alles kan hoor.

"Taktiek", 'n komediereeks met akteurs soos Bennie Fourie, Schalk Bezuidenhout, Marion Holm, Mandri Sutherland en Keeno-Lee Hector in die rolverdeling, begin Maandag 2 Oktober om 20:00 op DStv-kanaal 144. Dieselfde span skrywers wat vir "Hotel" verantwoordelik was, het ook "Taktiek" geskryf.

kykNET se splinternuwe komedie, Taktiek, begin Maandag 2 Oktober om 20:00 en spog met van die grootste name in die lagbedryf.

Reynardt Slabbert het gaan inloer by die Kleinkaap Boetiek Hotel om te gesels met Leandie du Randt oor al die verskillende projekte waarmee sy tans besig is, onder andere, Hartklop, wat eersdaags op kykNET, kanaal 144 begin.