Die Byl

(Marvin-Lee Beukes)

Juan (35) het oor die jare in ‘n behendige speurder ontpop. Aan die einde van die tweede reeks het sy lewe aan ‘n draadjie gehang, maar dit het hom op die oog af meer gemaklik met homself gemaak. Hy neem ook toenemend druk van Byl se skouers en dit is ook duidelik dat hy alles wat Byl hom geleer het, soos ‘n spons geabsorbeer het.

Sy verhouding met Shani het hom ook baie meer volwasse gemaak en hy is reg vir die volgende groot stap. Wat met hom gebeur het, het egter emosionele letsels gelaat en die span wonder of hy ooit daarvan sal kan herstel.