Bertus is ’n bobaas-braaier en sy vuur-vaardighede het vir hom ’n plek in Ultimate Braaimaster se finaal losgeslaan. Hy is ’n wynmaker wat ook gourmet braai-spyseniering doen vir alles van intieme en spoggerige verjaarsdagpartytjies tot groot korporatiewe geleenthede met 900 gaste.

Hoe ervaar jy ’n Afrika-sonsondergang of die rykdom aan diere, plante, voëls en landskappe in die Kruger Wildtuin as jy nie kan sien nie? Call of the Wild verken hierdie vraag saam met Anika, ’n jong weeskind wat gesiggestremd gebore is, maar ’n verbysterende gawe het om ’n wye verskeidenheid voëlgeluide uit te ken. Hierdie kort dokumentêr volg Anika op ’n buitengewone bos-ontdekkingsreis, ontwerp deur die klankspesialiste Derrick en Sarah Solomon. Dis ’n klanksafari wat jou met nuwe ore na die klanke van die Wildtuin laat luister en jou verstom met wat jy alles kan hoor.

Hierdie week bekoor Varonica Meyer die gehoor met 'n Hillsong Worship liedjie.

Wat gaan Meghan en Jacques nou doen? Gaan Arno vir Karla alles vertel van sy donker verlede, en wat is Zelda se volgende plan wanneer sy uitvind van Meghan se swangerskap?