Logo

Vaughan Gardiner ft. ADAM: Wat Nou

Nuus
14 Oktober 2015
Die musiekvideo van Vaughan Gardiner in samewerking met ADAM is pas bekendgestel!
Screen Shot 2015-10-13 at 5.25.07 PM
Die musiekvideo van Vaughan Gardiner in samewerking met ADAM is pas bekendgestel!

Die talentvolle Vaughan Gardiner is ’n sanger, liedjieskrywer, vervaardiger, akteur, en musikant, en het ook onlangs sy nagraadse studies in intellektuele goederereg aan die Universiteit van Stellenbosch met cum laude voltooi.

34 screen shot 2015 10 13 at 5.26.11 pm


Sy derde album, ‘Sit vanaand op herhaal’, is vroeg in 2015 bekendgestel en sy liedjie Sit vanaand op herhaal het vir baie weke in die nommer een posissie op talle trefferparades landwyd gepryk.  Die musiekvideo van hierdie liedjie kan ook gereeld op verskeie televisie kanale in Suid-Afrika gesien word.

34 screen shot 2015 10 13 at 5.25.07 pm


Gedurende September 2015 is die liedjie Wat nou in samewerking met ADAM - ook vanaf die album - aan radiostasies landwyd bekendgestel en dit pryk reeds bo-aan trefferparades landwyd.

34 screen shot 2015 10 13 at 5.25.53 pm


“Hierdie samewerking met ADAM was een wat baie spontaan gebeur het. Dit het sin gemaak om saam met ’n groep wat so unieke klank aan die Afrikaanse musiekbedryf bekendgestel het te werk. Hierdie kombinasie belowe om die grense van Afrikaanse musiek nog verder te skuif met ’n lied wat mens van binne tot buite laat borrel van geluk,” sê Vaughan.

34 screen shot 2015 10 13 at 5.25.16 pm


Die groep ADAM het ook geen bekendstelling nodig nie.  Hulle bestaan uit Hugo Ludik, Reynardt Hugo en Kyle Grant en met liedjies soos Goud en Sal oorlog vir jou maak het hulle diep in Suid-Afrikaners se harte ingekruip.

 
34 screen shot 2015 10 13 at 5.26.23 pm


“Toe Vaughan die eerste keer die liedjie vir my gespeel het, het ek gesê ons wil so graag deel wees van dit! Die liedjie het soveel lekker elemente aan en die feit dat dit ’n fantastiese pop-liedjie is maak dit soveel beter. En natuurlik om met iemand so talentvol soos Vaughan te werk het die hele proses soveel meer die moeite werd gemaak,” se Ludik, stigterslid van ADAM.

Kyk die volledige musiekvideo hier: