Daar is hoofsaaklik vyf smake waartussen die tong kan onderskei, maar ons verhemelte het ontwikkel om ook meer uiteenlopende smake in te sluit.
Dit sluit in bitter, soet, sout, suur en pittig. En die kombinasies hiervan gee geboorte aan die beste en slegste kombinasies van smake. Alhoewel dit vir sommige onsmaaklik kan wees, moet ons erken, dat sekere kombinasie wel heerlik smaak.
Pizza & Tamatiesous
Dit klink wel na 'n gruwel; pizza is 'n gereg wat deur niks geskend moet word nie.
Die bygevoegde geure van die tamatiesous dra egter eenvoudig by tot die smaak van hierdie vreemde koskombinasie.
Coca-cola & Rooiwyn
In Argentinië staan dit bekend as Jesus juice, in Suid-Afrika word dit katemba genoem, in Kroasië bambus en in Chili staan dit bekend as jote.
Geroosterde Pynappel & Tabasco
Die perfekte kombinasie van smake is uiters soet met 'n tikkie suur en pittigheid.
Piesang & Spek
Die piesang is sag en maklik om aan te smul, terwyl die spek sappig en vol geur is.
Ons het by die pasmaats ingeloer om te hoor hoe hulle voel oor ander vreemde kombinasies:
Skakel elke Donderdag om 20:00 in vir Boer soek 'n vrou en gesels saam op sosiale media deur die hutsmerk #BoerSoeknVrou te gebruik.