Linda Kriel
As jy nie oefen nie, raak jy mettertyd vergeetagtig. ’n Mens raak meer vergeetagtig tussen die ouderdom van 50 en 60 jaar, en dit kom selfs meer voor by mense wat passief geleef het. Oefening verbeter jou bloedsomloop en goeie bloedtoevoer noodsaaklik om suurstof deur jou bloed na die brein te vervoer. Die brein is die eerste orgaan wat deur ’n tekort aan suurstof geraak word.
Gereelde aerobiese oefeninge soos stap, fietsry of die vetverbranding-oefeninge op die Kry Daai Lyf-DVD sal jou harttempo laat styg, wat help om bloed na jou brein te vervoer.
Stres veroorsaak ook ’n suurstoftekort in jou liggaam en oefening verlig die stresvlakke. As jy onder baie druk verkeer, doen daagliks strek- en ontspanningsoefeninge.
“Oefen” ook die brein met aktiwiteite soos soos legkaarte, blokraaisels, sudoku, Scrabble en skaak.
Die Kry Daai Lyf-DVD is beskikbaar by Musica, kykNET se aanlynwinkel en takelot.com.
Volg Linda Kriel op Facebook en op Twitter by @linda_kriel.