Logo

Koekedoor: ’n Boomkoek vir Afrika

Nuus
01 Junie 2016
Die Yule-boomstompkoek (of Bûche de Noël) is nie iets wat algemeen bekend is in Suid-Afrika nie – ook nie aan die Koekedore nie.
Koekedoor Boomstomp
Die Yule-boomstompkoek (of Bûche de Noël) is nie iets wat algemeen bekend is in Suid-Afrika nie – ook nie aan die Koekedore nie.

Die deelnemers het egter almal verras met die manier waarop hulle dié Europese gebak in eg Suid-Afrikaanse skeppings omtower het. Dink maar aan Wilandi se Afrikabos-kleure en Kanya se magiese sampioen- en salie-geure.

[caption id="attachment_253765" align="alignleft" width="1500"]
34 koekedoor kanya boom
Kanya se boomstompkoek[/caption]

Wil jy ook ’n rolkoek vir Afrika aanpak?

Die Koekekoor-span het gaan kers opsteek by Dave Pepler, die omgewingskundige en aanbieder van kykNET se Groen, oor watter inspirasie Suid-Afrika se eie inheemse woude vir die koekbakker kan bied.

“Die eerste gedagte wat opkom as ek aan ons inheemse woude dink, is die alomteenwoordige teenwoordigheid van varings en rakswamme,” sê Dave.

Hy meen die land se inheemse varings is verruklik mooi – en sluit in alles van die Adiantum capillus-veneris, (die hare van Venus) tot hemelse boomvarings.

“En by rakswamme dink ek aan wedergeboorte – uit humus van die gevalle boom kom daar nuwe lewe, in kleur en argitektuur, soos dié van korale. Die name alleen is suiwer poësie – loodglansswam, kalkoenstert, bloosrakswam, heksebotter en Judasswam.

“Vergeet van blomme, vergeet van blare, want hulle is bestem vir die kroondak. Dink mos, dink saggroen, dink argitektuur.”

Probeer gerus Wilandi se resep hier.

Kyk Koekedoor, Donderdae om 20:30.