Logo

Koekedoor 2: Die beoordelaars

Nuus
04 April 2016
Die meesterlike Mari-Louis Guy, Elizabeth Cloete en Tiaan Langenegger is weer Koekedoor se beoordelaars.
Koekedoor 2 Beoordeel

Die meesterlike Mari-Louis Guy, Elizabeth Cloete en Tiaan Langenegger is weer Koekedoor se beoordelaars.

Ontmoet die deelnemers hier.

34 koekedoor 2 elizabeth


ELIZABETH CLOETE is ’n hoogs gerespekteerde veteraan van die Vrouelandbouvereniging (VLV) van Kaapland se beoordelaarspaneel, tuisgebak-kenner met ’n BSc-graad, voormalige biologie-onderwyser en boervrou. Na haar jarelange ervaring in die kombuis mis haar geleerde oog niks nie. Sy is ook almal se ouma – die wyse een na wie beoordelaars en deelnemers met ewe groot verwondering luister vir lewenslesse en bakraad.

34 koekedoor 2 mari louis


MARI-LOUIS GUY, kosstilis vir plaaslike en internasionale kliënte, skrywer, koekontwerper en tendenskenner. Sy het unieke gebak ontwikkel vir die Fyngebak-uitdagings se tyd- en tegniektoets. Sy en haar broer, Callie Maritz, bedryf hul Cakebread-ateljee vanaf Kaapstad. Die boeke uit hul pen is Koeke ter viering van Liefde en Lewe (in 5de druk), Cakebread Pudding & PieMarkdag, Onthaal op Groot Skaal en hul nuutste, EEN, is vanaf Julie op die rakke.

34 koekedoor 2 tiaan


TIAAN LANGENEGGER, sjef en gekwalifiseerde patisseriebakker was die kinkelkok-wenner van Kokkedoor 1, die sustersreeks van Koekedoor. Hy is bekend vir sy vernuwing van tradisionele gebak en verwag dat deelnemers verbeeldingryk moet wees met die pronkgebak-uitdagings. Tiaan se opwindende nuwe studio vir kos en kreatiewe mense by die Spier-landgoed, is dieselfde plek waar sy ouers destyds getrou het.

Lees meer oor die nuwe seisoen van Koekedoor hier.