Jou Show het 2 Oktober 2015 weer afgeskop met bekende gaste, interessante stories, skreeusnaakse speletjies, treffer-optredes en nóg beter poetse. Emo Adams, wat pas bekroon is met ’n Tempo-toekenning, asook ’n ATKV-Mediaveertjie vir beste TV-aanbieder, het weer agter die lessenaar ingeskuif om die land aan die lag te hou.
Dié seisoen is daar iets vir elke smaak: legendariese mense soos Riaan Cruywagen, Denise Newman, Brümilda van Rensburg en Helen Zille kom wys hulle ligter kant, met nuwe name soos Len Muller, Brendan Peyper en Cordelia wat saam laf raak.
Soos gewoonlik is daar fantastiese optredes deur onder andere Bok van Blerk, Jak de Priester, en Andriëtte.
Akteurs soos Altus en Zetske Theart, en Erica Wessels kom maak ’n draai. Dan is daar ook Suid-Afrika se grootste internet-ster, Suzelle DIY, wat ’n baie belangrike demonstrasie kom lewer.
Moet dit nie misloop nie!
Jou Show: Nuwe stories, groter poetse
Nuus
23 September 2015Jou Show is vanaf 2 Oktober 2015 terug op die kassie met bekende gaste, interessante stories, skreeusnaakse speletjies, treffer-optredes en nóg beter poetse.