Was jy al ooit so uitgeput aan die einde van die week jy nie weet hoe om te ontspan nie? Wel #SpanScheepers en #SpanLeRoux het Vrydag begin sonder die gewone groepstake, en het toe maar net rustig in en om die huis gebly.
Maar ‘n vinnige oplossing is om ‘n fliek te kyk, of sommer jou gunsteling-program op televisie.
Onder ander omstandighede sou #SpanScheepers en #SpanLeRoux ook voor die kassie kon sit. Maar nou ja, in Kwarantyn het jy nie al die luukshede nie. Maar almal het darm ‘n gunsteling fliek. As jy raadop is oor wat om vanaand te kyk, lees hier wat almal se gunsteling fliek is vir 'n bietjie inspirasie.
SPAN SCHEEPERS
Avril
Die ma in die huis hou duidelik van romanse en tranetrekkers. Haar gunsteling flieks is Maid in Manhattan en The Impossible.
Austin
Jy sal seker nie verbaas wees om the hoor, musiek-films soos The Greatest Showman en A Star is Born is Austin se gunsteling nie. En al erken hy dat sport nie juis vir hom is nie, is een van sy TV-plesiertjies Getroud Met Rugby.
LEES: Die winter wind bring hope vermaak na die kassie
Caryn
Ons hoef nooit groot te word nie! En ‘n goeie fliek bewys dit keer op keer. En Caryn se fliek-keuses dra daai boodskap mooi oor. Haar gunsteling springmielie-worthy flieks is Cat in The Hat, White Chicks en Coraline.
Kel-Cee
As ‘n hubare jong vrou is The Proposal een van haar gunsteling flieks, en Idols SA is haar gunsteling program op die klein skerm. Met haar stem, is ons dan anders verwag?
Jade
Jade hou van rep-en-roer, so dit kom met geen verrassing dat haar gunsteling fliek Drumline is nie. Wie hou nie van ‘n lekker trom-“beat” nie?
Pamela
Ligte, kamera, aksie! Vir Pamela is dit aksieflieks wat haar hart vinniger laat klop. Haar gunsteling is die baie gewilde John Wick. Aitsa!
SPAN LE ROUX
Adriaan
Kom lag ‘n slag, vir Adriaan is ‘n fliek soos That’s My Boy die perfekte Vrydagaand vermaak. En die trend is nie oor nie, op tiewie hou hy van Hotel, en Jaap is sy uitskieter karakter.
Braam
As iemand van die ‘classics’ hou is dit Braam. Top Gun bly een van sy gunsteling flieks, terwyl hy graag saamlag met Molly en Wors en Wors en Ouboet as dit by sy TV-gewoontes kom.
Heinrich
Die jong man het plaas op die brein, want een van sy gunsteling flieks is Platteland, terwyl Boer Soek ‘n Vrou hom op die bank laat inskuif.
Lisa
Die sussie van die span se gunsteling fliek is 50 First Dates, en as jy in ag neem dat sy en haar verloofde mekaar weer van voor date in Kwarantyn, maak dit sin. Sy is ook mal oor die drama en intrige van Binnelanders.
LEES: Hoë bloeddruk: Jy kan dit beheer – Binnelanders
Manie
Hy is beslis Heinrich se neef! Die jongste Le Roux se gunsteling fliek is ook Platteland. En hy en Lisa hoef darm nie elke weeksaande 19:30 oor die afstandbeheer te baklei nie – hulle albei is mal oor Binnelanders.
Bly ingeskakel op kanaal 149 vir al die drama en aksie wat nog voorlê en gesels saam op Facebook, Instagram en Twitter met die hutsmerke #Kwarantyn, #SpanLeRoux en #SpanScheepers.