Logo

Afrikaans is Groot gaan groot op kykNET NOU!

Nuus
16 Januarie 2017
In Februarie 2017 bring kykNET NOU! die immergewilde musiekkonsertreeks Afrikaans is Groot na jou woonkamer.
AIG 2013

In Februarie 2017 bring kykNET NOU! die immergewilde musiekkonsertreeks Afrikaans is Groot na jou woonkamer.

Dié jaarlikse konsertreeks, wat sterre soos Juanita du Plessis, Bobby van Jaarsveld en Elvis Blue lok, is ’n ware wie’s wie van Afrikaanse musiek. Dié dat die kaartjies altyd vinniger as pannekoek op ’n kermis uitverkoop.

Beleef die beste oomblikke en optredes sedert 2012 elke Woensdagaand op kanaal 146 (met herhalings op Vrydae).

Afrikaans is Groot 2012


1 Februarie om 20:00 en 3 Februarie om 21:00

’n Treffersparade met van Suid-Afrika se grootste sangers by die Moreletapark Gemeente in Pretoria. Steve Hofmeyr, Theuns Jordaan, Juanita du Plessis, Bobby van Jaarsveld hou konsert saam met ’n rits ander bekendes.

Afrikaans is Groot 2013


8 Februarie om 20:00 en 10 Februarie om 21:00

34 aig 2013 02


Vyftien van die gewildste Afrikaanse kunstenaars, waaronder Steve Hofmeyr, Juanita du Plessis, Theuns Jordaan en Bobby van Jaarsveld, het die skare tydens agt ongelooflike vertonings in vervoering gehad.

Afrikaans is Groot 2014


15 Februarie om 20:00 en 17 Februarie om 21:00

34 aig 2014


En nog ’n keer met gevoel(!): Die grootste Afrikaanse musieksterre sing en speel vol sale op hulle voete in ’n reeks meesleurende konserte.

Afrikaans is Groot 2015


22 Februarie om 20:00 en 24 Februarie om 21:00

34 aig 2015


Die grotes van Afrikaanse musiek, insluitend Steve Hofmeyr, Juanita du Plessis, Theuns Jordaan, Bobby van Jaarsveld en Elvis Blue, het weer in 2015 bymekaar gekom om skares met 11 vuurwarm konserte te vermaak.