Please upgrade your browser. An upgraded browser will make your computer safer, and improve your web experience.

DStv.com works best in the latest versions of Internet Explorer,Firefox, or Chrome,

Not now

Msanii wa bongofleva Diamond Platnumz

Mwimbaji staa wa bongofleva Diamond Platnumz kutoka Tanzania ametajwa kuwa msanii pekee kutoka upande wa Afrika Mashariki kupanda kwenye stage ya tamasha la Afrika litalofanyika New York, 22 July.

Ni tamasha ambalo kwa mara ya kwanza litafanyika kwenye ukumbi wa Barclays Centre, ukumbi ambao Wamarekani wamezoea kuona mastaa wakubwa wakitumbuiza hapo kama Jay Z.
 
Ni ukumbi ambao unaweza kuchukua watu mpaka elfu 20 ambapo Diamond ameonekana mwanamashariki pekee huku wengine wakiwa ni Wanigeria kama Davido, Wizkid na Iyanya.
 
Diamond akuletea muziki zake kupitia Wasafi Classic Baby kwenye Mzooka Jumatatu hadi Ijumaa saa 16:00 kwenye Maisha Magic Bongo.
 
Hii ni mara ya kwanza kufanyika kwa tamasha hilo kubwa nchini Marekani, siku zote wasanii wa Afrika wamekua wakitumbuiza hapa lakini hawaingii kwenye kumbi zinazochukua watu wengi kama hivyo.
 
Waandaaji wa tamasha hilo wameiambia DStv kwamba imewachukua miaka mitatu kuaminika na kupewa sehemu ya kufanyia tamasha hilo, kilichokua tatizo sio pesa, ni kuaminiwa na kupewa hiyo sehemu kufanyia tamasha.
 
Matangazo ya tamasha hili kubwa yanasikika kwenye vituo vya redio maarufu New York Marekani ikiwemo Hot 97 pamoja na Power 105.1.