እንቁጣጣሽ የተሰኘው አጓጊ የአቦል ቲቪ ድራማ ጀምሯል። በድራማው የመጀመሪያ ሁለት ክፍል ላይ የተለያዩ አስደናቂ ገጸ ባህሪያት ቀርበው ነበር። እንቁጣጣሽ ድራማ የሚያጠነጥነው በእንቁ የተባልች አንዲት ወጣት ሴት ህይወት እና ቤተሰብ ዙሪያ ነው። እስካሁን የቀረቡት ገጸ ባህሪያት እነዚህ ናቸው፦
እንቁ
እንቁ በእንቁጣጣሽ ቀን የተወለደች የ21 አመት ወጣት ነች። አያቷ ወ/ሮ እልፍነሽ ተንከባክበው ነው ያሳደጓት። በህይወቷ ሁሉም ነገር የሚቀናት አይነት ሰው ነች። ነገር ግን በተደጋጋሚ የምታየው አስጨናቂ ህልም ይረብሻታል። ይህ ህልም ከቤተሰቧ ድብቅ ታሪክ ጋር የተያያዘ ይሆን? ይህ ህልም ስለ ውድ አያቷ ምን አይነት ነገር ያጋልጥ ይሆን?
እልፍነሽ
ወ/ሮ እልፍነሽ የእንቁ አያት እና የሰፈሩ ገንዘብ አበዳሪ የሆኑ ሀይለኛ ሴት ናቸው። ክብር ከሁሉም በላይ አስፈላጊ ነው ብለው ያምናሉ። ወ/ሮ እልፍነሽ ለእንቁ ያላቸው ፍቅር ከምንም በላይ ይበልጣል ነገር ገን በአካባቢያቸው ላሉት ሰዎች ሀይለኛ እና ኮስታራ ናቸው። የእንቁ አያት የደበቁት ምስጢር ምን ይሆን?
መዓዛ
መዓዛ የእልፍነሽ ጎረቤት እና የስምነሽ ልጅ ነች። የእንቁ እኩያ የሆነች ሰላም የተባለች ልጅ አለቻት። የመዓዛ ህይወት በሀዘን እና ትዝታ የተሞላ ነው። መዓዛን እንደዚህ በሀዘን ውስጥ እንድትኖር ያደረጋት ምንድን ይሆን?
ሰላም
ሰላም የእንቁ እኩያ የሆነች ወጣት ልጅ ነች። የመዓዛ እና በቀለ ልጅ ነች። ቤተሰቧ የደበቃት ምስጢር እንዳለ በመጠርጠሯ ትናደዳለች። ሰላም ወደ ከተማ ሄዳ ህይወቷን ለመቀየር እና ጥሩ ኑሮ ለመኖር ታቅዳለች። ሰላም እና እንቁን የቤተሰቦቻቸውን ውስብስብ ታሪክ መፍታት ይችሉ ይሆን?
ጥቂቶቹ የእንቁጣጣሽ ገጸ ባህሪያት ይሄን ይመስላሉ። የእንቁን አስደናቂ ታሪክ ዘወትር ማክሰኞ ከምሽቱ 3፡00 በአቦል ቲቪ፣ ዲኤስቲቪ ቻናል 465 ይከታተሉት!