Logo

እርስዎ ጠየቁ እኛ አቀረብን – አጋፋሪ ምዕራፍ 2

ዜና
05 ኤፕሪል 2023
አጋፋሪ ምዕራፍ 2 በአቦል ቲቪ ጀምሯል።
agafari s2 article cover

በአዲስ አበባ በሚገኝ ሆስፒታል የሬሳ ክፍል ውስጥ የሚሰራው አጋፋሪ፣ የሙታንን ሬሳ ለቀብር እያዘጋጀ ነፍሳቸውን ደግሞ በመንፈስ አግኝቶ ስለ ህይወት ታሪክ እና ጸጸታቸው ይሰማል።

ይህ ሀሳብ እና ስሜት ቀስቃሽ ድራማ በመጀመሪያው ምዕራፍ ላይ ብዙ የአቦል ቲቪ ታዳሚዎችን ልብ ነክቷል። የአጋፋሪ ተመልካቾች ለድራማው መቀጠል ያላቸውን ፍላጎት በማህበራዊ ሚዲያ ገጾቻቸን ላይ ኮሜንት በማድረግ ድምፃቸውን አሰምተውናል።


እኛም በጉጉት እየተጠበቀ የነበረውን ምዕራፍ 2 ለተመልካች በደስታ አቅርበናል!

የአጋፋሪ ድራማ ሁለተኛ ምዕራፍ መጋቢት 26 ከምሽቱ 3፡00 በአቦል ቲቪ፣ ዲኤስቲቪ ቻናል 465 ጀምሯል። ከዚህ ምዕራፍ ተመልካቾች ስለ አጋፋሪ ችሎታ ይበልጥ ማወቅ፣ የጥንቅሹን አስቂኝ አስተያየቶች መስማት እና ልዩ ልዩ አዳዲስ ታሪኮችን መጠበቅ ይችላሉ።

ትላንትና ማታ በቀረበው የአዲሱ ምዕራፍ የመጀመሪያ ክፍል ላይ አጋፋሪ ስለ አሳለፈው ህይወት ይበልጥ እንረዳለን። የአጋፋሪ ቅርብ ጓደኛ፣ መኩሪያዬ፣ ድንገተኛ ሞት አጋፋሪን ጥልቅ ሀዘን ውስጥ ይከተዋል፥ ነገር ግን አጋፋሪ የመኩሪያዬ ሬሳ ገናዥ በመሆኑ መኩሪያዬን በመንፈስ ማናገር እንደሚችል ይረዳል። ደግመው በመገናኘታቸው ደስታቸውን አጣጥመው ሳይጨርሱ፣ መኩሪያዬ ከአጋፋሪ የደበቀው ትልቅ ምስጢር ተጋልጦ በማሃላቸው ችግር ይፈጥራል።

ይህ ስሜት ቀስቃሽ ክፍል፣ በህይወታችን ውስጥ የሚወሰኑት ትልቅ ውሳኔዎች እንዴት ከሞት በኋል በወዳጆቻችን ህይወት ላይ ተፅዕኖ እንደሚፈጥሩ ያደምቃል። እርስዎ ከመጀመሪያው የአጋፋሪ ክፍል ምን ተረድተዋል?

አጋፋሪ ከሙታን መንፈስ ጋር እንዴት ማውራት እንደቻለ በዚህ ክፍል ተጋልጦ ነበር! እርስዎ ምክንያቱን ያስታውሱታል? ጥያቄውን በመመለስ እውቀትዎን ያሳዩ!

አጋፋሪ ዘወትር ማክሰኞ ከምሽቱ 3፡00 በአቦል ቲቪ፣ ዲኤስቲቪ ቻናል 465 ይከታተሉት!