ምዕራፍ ወደ ኢትዮጲያ የመጣችው ሰርግዋን ለማቀድና ቤተሰቧን ለማግኘት ነበር። ነገር ግን የቀደመ ህይወቷን ማስታወስ አለመቻልዋና እጮኛዋ የተደበቀ ህይወት ያለው ጨካኝ ወንጀለኛ መሆኑ የተለያዩ እንቅፋቶች ላይ እንድትወድቅ አድርገዋታል፡፡ ምዕራፍ ኢትዮጲያ ከመጣች ጀምሮ ያጋጠሟት ሶስት ትልቅ ፈተናዎች እነዚህ ናቸው።
- የኪዳንን ማንነትን ማስታወስ
ምዕራፍ አሁን የማታስታውሰው የልጅነት ፍቅሯ ኪዳን፤ ሹፌር መስሎ ለእጮኛዋ እንደሚሰራ አላወቀችም፡፡ ምክንያቱም ከሀገር ውጪ የደረሰባት አደጋ የቀደመው ህይወቷን እንድትረሳ አድርጓታል፡፡ ነገር ግን አሁን ኪዳንን ስትተዋወቀው የተረሳ ስሜቷ እና ትዝታዋ ተጭሮባታል ። ግን የትኛዋ ለሰርጓ የምትዘጋጅ ሙሽሪት የልጅነት ፍቅሯን ማስታወስ ትፈልጋለች?
- የሱራፌል እውነተኛ ማንነት
ሰው ፍቅር ይዞት ከፍቅረኛውጋ አዲስ ህይወት አብሮ ለመገንባት ሲዘጋጅ ስለእጮኛው ዋና ዋና መረጃዎችን አውቃለው ብሎ መተማመን አለበት። ከምዕራፍ የተደበቁት የሱራፌል ምስጢሮች ግን ከምታውቀው እጮኛዋ ፍጹም የራቁ ብቻ ሳይሆኑ፣ ህይወቷንም በተደጋጋሚ አደጋ ላይ የጣሉ ናቸው። ከዚህም አልፎ ሱራፌል የራሱን ፍላጎት ለማሳካት ሲል የእስዋን ደህንነት አደጋ ላይ ከመጣል ወደኋላ የማይል ሰው ነው።
- የሰብለ ክህደት
ከሀገር ውጪ ብቸኛ ሆኖ የኖረ ማንኛውም ሰው አብሮ አደግ ጓደኛውን ሲያገኝ ያለምንም ጥርጣሬ በደስታ ይቀበለዋል። ስለዚህ ምዕራፍ ሰብለን በደስታ ተቀብላት ስለህይወቷ ስታጫውታትና እጮኛዋን ስታስተዋውቃት ከእስዋ የጠበቀችው ጓደኝነት እንጂ በምቀኝነትና በቅናት የተነሳሳ ክህደትን አልነበረም። ሰብለ ግን ሱራፌልን ካገኘችው ጀምሮ የምዕራፍ የሆነውን ሁሉ የራሷ ለማድረግ ተነስታለች።
የቀደመው ህይወቷን መርሳት፣ የእጮኛዋ የተደበቀ ማንነትና የልጅነት ፍቅሯን ማጣት። የምዕራፍ ፈተናና ሀዘን ማለቂያ አጥቶዋል፣ በሚቀጥሉት የዙረት ድራማ ክፍሎች ደግሞ ምን ይጠብቃት ይሆን?
ዙረት፡፡ ዘወትር ሰኞ ከምሽቱ 2:30 በአቦል ቲቪ፣ ዲኤስቲቪ ቻናል 146 ይከታተሉ!